كلمات اغنية مين في دول احمد كامل

اغنية مين في دول تبرز مدى احزان النجم المصري احمد كامل حيث يقول

بسرح ساعات وافتح صور ايام زمان
وبقول يا مين يصالحني ع الماضي اللي كان

وكتير بقول قلبي الحقيقي مين في دول
وازاي اعيش وانا مش مدي لنفسي الامان

انا من زمان فيه سر ف قلبي ومداريه
انا مش انا دة حد غيري انا ماشي بيه

زي اللي فاق لقى نفسه مش جوة السباق
و العمر فات قدام عينيه وماعاش فيه

اخدتني مني الدنيا فجأة وغربتني ما بين وشوش
وعرفت فيها الطيبين والحزن حولهم وحوش

وبخش في قلبي كل يوم امشي ما بين جرح وهموم
كان فيه هنا انسان جميل بسأل عليه ومابلقاهوش

محبوس في روحك وش تاني بيداريك
ياما قولت اه ولا عمر حد حس بيك

الناس تقول انك تعيش في الغربة خوف
طب تعمل ايه لو تبقى الغربة عايشة فيك

طول السنين وانا ايد في جنة وايد في نار
وبقول بخير وبخبي الجد في الهزار

مابقاش فيه حيل وماليش صحاب غيرك يا ليل
والليل طويل ولا مرة جه بعده النهار

معلومات و تفاصيل

كلمات مصطفى ناصر
الحان اسلام شيتوس ( الازرق ) و احمد كامل
توزيع موسيقي شيتوس
ميكس و ماستر عمار خاطر
كمنجة ماجد سرور
صولو جلبة
منتج منفذ مصطفى جابر
مدير الانتاج فادي شرارة
تصوير فوتوغرافي محمد هشام
مخرج فني رحمة راجي
مونتاج حسين مختار | VIVID Studios
اخراج منة الديابي
انتاج جاما ميوزيك | Gamma Music
سنة الأنتاج 2021
الطرح الرسمي 22/03/2021

استماع او مشاهدة فيديو كليب من يوتيوب

اعمال اخرى ذات صلة