شيخة الزين
فرق فرق وفرق عن كل الخلايق
مشي خيل وعين بنت السولعية
كيف بوصف شي فوق الوصف فايق
شيخة للزين والباقي رعية
ان مشت من ثوبها العود يتضايق
حملوها ضيق ثوب وهي برية
تلحق اخطاها الثواني والدقايق
شلت قلوب ونست الارواح حية
نظرة فيها من امطار وحرايق
اه ويلي لو تلد الشوف فية
من كحلها الليل سارقها وبايق
وفي هدبها موت من قاد السرية
هي هدوء وهي غلا واحساس رايق
والعمر لو به هدية هي هدية
كل يوم يسوقني للعين سايق
داري ومرباي مربا السولعيه