خليك وياي
تدري حبيبي اليوم شعاجبني
اركض عليك وبالحضن تاخذني
تنسيني اسمي ودنيتي والعالم
ويه النجم ويه الهوى طيرني
وخليك وياي
وانطيني جرعة چبيره من حبك ياكل دنياي
يالگاعد ويه النبضه معشعش جوى بروحي هنا
يا اول حب واخر حب بعمري وكل دنياي
كلشي حبيبي وياك مايتعوض
وانت الوحيد المن صدگ ضربة حض
حقي بغرامك جننت هالدنية
يالبيك طالع بالعشگ وجهي ابيض
واتمنى اليوم يطول اليوم
والساعة التركض توكف ونغازل ونعد نجوم
محضرلك حب ماصاير طاير بيك الفوگ
وانت بحضني ماريده ولا يوصل لعيوني النوم