تمثال

جني تمثال بمحطة خلصت عمري انتظر
وذاب حيلي بس اباوع حتى تعبت الصور

صرت ادور اي ادور كل محطاتي القديمة
شعري ذاك الجان اسود هسه صاير جنه غيمة

ابيض بلون الثلج و بعد ما عندي صبر
اني حاير بالبالي والله موتني قهر

طالت المدة ونسونا وكون من عدهم خبر
شكد خطية اللي يفارك يومه يخلص بس قهر

وانتظركم جني ساعة و رمشي ميل
والوكت يوجع بكلبي وضل يعيل

وارد اضل يمك حبيبي وبعد ماعندي عذر

كمت احبه هوايه كلش لو يمر صوت القطار
والشمس هم صاحبتني وبين بوجهي السمار

وهي حيرة والله حيرة وهسه ما ادري انتوا وين
و هاي دنيا شلون دنيا وتاكل بعمري السنين

باقي كل عمري اتاني وكون يجمعنا القدر

المزيد من أعماله

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.