بوجه السنين
انا بوجه السنين اللي خذت من عمري افراحه
صغير السن لكنها حمولي من السنين كبار
ذبل وجه الفرح فيني و تعبت ادور الراحة
تموت احلامي قدامي ولا القى لهالزمان اعذار
يغافلني الزمان الين ما تلحقني ارماحه
و عقرب ساعتي واقف على وقت الحزن ما دار
محد قبلي سلم منه فتن ادم بتفاحة
عشان اعيش في راحة خذا مني اماني كثار
غدى حالي مثل طير كسير و فاقد جناحه
مكانه فوق لو همه كسر جنحانه وما طار
انا اللي لو يطول الليل و تغزي عتمته الساحة
تلالا نجمي و اتماديت باحلامي و زدت اصرار
انا اللي واجه الدنيا و صبره كان مفتاحه
كسر خشم الحزن يوم ان دمه من زمانه فار
يا وقتي اللي مضى واللي سرق من عمري افراحه
صغير السن صح بس بشموخي ما اهاب كبار
وانا بوجه السنين اللي خذت من عمري افراحه
صغير السن لكنها حمولي من السنين كبار
تفاصيل و معلومات
⋐═══════⋑
كلمات : الشاعرة امنيات
الحان : الملحن بدر الشعيبي
توزيع موسيقي : الموزع علي المتروك
هندسة صوتية و ميكساج و ماسترينغ : مهندس صوت صهيب العوضي
انتاج : حسين الجسمي
سنة الانتاج : 2019
تاريخ الطرح الرسمي : 03/06/2019