كلمات اغنية اوعديني رامي جمال

اوعديني لو زعلتي مرة مني تعرفيني
لو جرحتك غصب عني تحسسيني
ماتشيليش جواكي حاجة تحكي ليا كل حاجة
لما هفهم هبقى احسن صدقيني

اوعديني لو نسيت يا حبيبتي نفسي تفوقيني
لو خدتني الدنيا منك ترجعيني
لو في لحظة زاد غروري اشتكي لومي وثوري
بس اوعي في يوم تروحي وتسيبيني

انتي قلبي وانتي روحي وانتي عيني
حد عايز اعيش معاه لاخر سنيني
انتي بالنسبالي مش حب في حياتي
انتي كل حياتي فعلا افهميني

اوعديني لو في يوم الخوف ملكني تطمنيني
لو ذكائي في مره خاني تفهميني
لما اقسى في يوم تحني واما اغلط غصب عني
قبل ما اغلط غلطه تانية تلحقيني

اوعديني لو يبعني الكون بحاله تشتريني
تبقي اقرب مني ليا تكمليني
تبقي اختي تبقي امي تجري فيا جوة دمي
لما اكون تعبان تضمي وتداويني

كلمات اغاني ذات صلة