كلمات اغنية اه من المكتوب عليا تامر عاشور

هنا في نفس المكان ومن قدام عينيا
حبيب عمري اللي كان واوفى صاحب ليا

اتفاجئتوا قومتوا ليه بعدين هتقولوا ايه
صعب الموقف عليكم امال انا هعمل ايه

اه من المكتوب عليا مكتوب اشوف بعنيا
اهرب واعز ما ليا الاتنين خاينيين

وفين كمان اتقابلوا في مكان ما انا كنت قبله
لقيت صاحبي في مكاني
وانا كنت فى مكانه قبله

مش جاي اليوم الومكوا انسوني وعيشوا يومكوا
وكفاية هبقى بينكم عذاب طول السنين

خليكوا زي ما انتوا اتنين زي بعض
هتعيشوا مهما كنتوا في يوم هتخونوا بعض

فى كل خطوة هنا فضلت بحلم وانا
مخدوع بطعم الهنا بحلم بحلم حزين

قلبي اديت الامان للبايع واللي خان
اقفل كل الببان اوعى يشدك حنين

ادي اللي كانوا في يوم ارض وسما ونجوم
ع الغدر والخيانة مع بعض متواعدين

لو كان للارض صوت والشجر يشهد كمان
كانو قالوا باعلى صوت مين صاحب المكان