كلمات اغنية الجوكر سام انفصام حاد الجزء الثاني 2 مكتوبة كاملة

بوستر الصورة الرسمية لأغنية الراب إنفصام حاد الجزء الثاني 2 الجوكر - سام 2018
0 18٬008

كلمات اغنية انفصام حام الجزء الثاني 2 هى واحدة من أغاني الراب المصرية وهي من غناء المطرب الرابرز المصري الجوكر & سام ، وتم عرضها على اليوتيوب في الجوكر ميوزك 09 مايو / أيار 2018 .

كلمات أغنية انفصام حاد الجزء الثاني 2 – الجوكر – سام مكتوبة كاملة


زي ما تكون الحياة معانداك و حالفة لتوقعك

عندك امل تتقدم مهما كل شيء رجعك

كل ما يبقى فاضلك خطوه .. تتوجد ظروف تمنعك

احساس انك مش واخد حقك اكتر ما بيوجعك

وتقول لعله خير ومن تكرارها تشك في انه

لا خير ولا عمره كان .. دة شر ولنفسك زينته

انت ادعيت الزهد بركة اننا سيبنالك خيش

اخر مره السما تساعدك كانت ايام قريش

عايز تفصل بيننا وبين خالقنا عشان نعيش في غابة

عايزنا نثور على امتحانه .. بدل ما تشوف إجابة

هتموت بتحارب الحياة ومدوقتش طعم صلح

كن جميل ترى الجمال .. كن قبيح فترى القبح

لم تدع هذه القرية العفة لشخص او لجهة

ربما لا تعني هذه القرية شيئا للالهة

كلها بتقول كلام كبير وبتعرف تلفت نظر

كلها بتقول ربنا كبير وتلف تاخد حذر

يحصلك خير تقول ثواب .. شر تقول مصاب

يحصلي خير تقول دة فضل .. شر تقول عقاب

الحياة يا اذكى اخواتك عشوائية نتيجة ان

ممكن فراشة في ليبيا تكون سبب اعصار في الهند

ومين اللي قالك إنه لو حصل فمش مكتوب؟

ربك بيسبب الاسباب وكل شىء محسوب

اما هو عارف مين هيتوب ومين هيموت حرامي

ما نتخلق ونخش نار وجنة بدون سياق درامي

وساعتها مش هتقول أنا اتظلمت؟ .. مانا مظلوم

بس هو مين يوم الحساب هيكونله حق يقول؟

لا محدش اتظلم ومكانش قدامه اختيارات

ومحدش مبياخدش الاربعه وعشرين قيراط

ده أفيون بيضربوه المتدينين فميشوفوش

إن في اشخاص معاها فلوس متملكهاش شعوب

الناس دي قيمة المال في عينها غير في عينك انت

خلفة مشتاق لخلفة غير السابعة لاب ستة

حاسس بيك وعارف كل شىء فكرت فيه

شوف إقترحنا لك إيه
1 من 490

ضاقت الحياة عليك .. ظنيت انه السبب في الضيق

حسيته مش مهتم بيك .. او كإنه بيعجزك

تستقيم إزاي .. والمستقيم بيتدهس بالجزم

كل الظروف كانت ضدي لكنني في المقاومه قدوة

ما لم تعطيه لي السماء .. قد اقتلعته عنوة

ويا ترى كام حاجه م اللي حاربت لاجل ما توصلها

ندمت اما وصلتلها عشان منابكش غير شرها

أنا عشت واتعلمت .. وانت لا عشت ولا هاتعيش

لا عشت لكن مجريتش ورا حاجات متكتبتليش

كان ممكن تاخد أكتر .. تفرح اكتر .. لولا غبائك

الدنيا اللي بتدعي إنك فاهمها هفهمهالك

أغني الناس رغم كل فلوسه .. عاشها يوم ويوم

يوم مرتاح يوم على أتفه حاجه مكانش يجيله نوم

أفقرهم عاشها بنفس الحسبة .. يوم ينام جعان

ويوم يرزق بعشا .. ينام الدنيا مش سيعاه

ربك كان قادر يصلح العالم فقط بظهوره

دي حجة أي شخص أضعف من الإيمان بوجوده

مش الصعوبة في الإيمان .. الصعوبة في الأعمال

عشان فرضها عليا إله .. وجوده مجرد إحتمال

كتر المعاصي حطك على أول طريق الكفر

شيطانك أشطر من حنين .. لن تعود بخف

انت بالنسبالك احتمال عدم وجوده مخيف

مش في صالحك تبقى غابه .. لإنك الطرف الضعيف

انت اللي فشلت تمشي صح .. فلما ذنوبك تقلت

أصبح عدم وجوده آخر أمل إن انت تفلت

انا براعي كل الاحتمالات عشان مخسرش حاجة

لو مش موجود انا عشت .. لو موجود قلت الشهادة

كان كله عمل زيك لو الجملة هي الدين

مش التوبة باب مفتوح؟ .. خلاص نتوب على الستين

طب لو مت قبل كدة ؟ تبقى أكيد متكتبتليش

لأ تبقى أخترت لآخر لحظة إنك متسمعنيش

انا المقسوم على الاتنين وناتج قسمتي توهاني

اميل لطريق من الاتنين وفترة واميل ع التاني

تفاصيل و معلومات عن اغنية انفصام حاد الجزء الثاني 2 المغني الجوكر & سام


كتابة وتأليف الشاعر والمؤلفالجوكر
موسية التراكمصطفى إبراهيم
فوكاليزالجوكر & سام
إستوديوهات التسجيلاستوديو الجنوب
ميكساج & ماسترينغبولو ماهر
تصميم فيديو العرض على يوتيوبمصطفى كريم & أدهم كريم
إنتاجالجوكر
بلد الإنتاجمصر

إترك رداً

لن يتم نشر عنوان بريدك الإلكتروني.