كلمات اغنية الجرسون حكيم

مريض بيسأل طبيبه لية الدوا مر
قاله الشفا في المر بس الداء امر

قاله المريض انا دائي بعاشر الاندال
قام قاله سهلة وبسيطة عتاب الندل
اجتنابه بلاها مشي شمال

يا جرسون يا جرسون
هات كاسين في صحة العقل اللي غاب
للاهات والجروح وظلمي من كل الصحاب

في صحة الناس العزاز اللي بسببهم عقلي باظ
بلاش تحدفنا بحجارة لو انت بيتك من ازاز

في صحة العشرة اللي هانت وناس كتير ع الاصل بانت
في صحة الندل اللي باعني واصحابي اللي قلوبها ماتت

خلاص عليكوا انا مش هسمي
هرمي الصحاب ورا ظهري هرمي
ابن الاصول شبعان بطبعه ويجي اللئيم يحرقلي دمي

يا جرسون كاس كمان انسى الاسامي انسى المكان
يا جرسون كاس كمان في صحة اللي مش جدعان

زود كمان واملالي كاسي يمكن اتوه وانسي المآسي
ما تصب يا جرسون وزود يمكن ده يعجب كل ناسي

ياريته كان كاسك بفايدة جروحي مش بتقل زايدة
عمال تصب ولسة برضو النار في قلبي بجد قايدة

اعمل معاد وافتح مزاد واقف بطولي يومين حداد
وادوس على الندل اللي باعني واعالج النقص اللي زاد
يا جرسون يا جرسون

معلومات و تفاصيل

من البوم الراجل الصح
كلمات عصام شعبان
الحان عبده سليم
توزيع اشرف البرنس
ميكس وماستر احمد جودة
انتاج Lion of Egypt Hakim
الفيديو ليريكس يوتيوب
السنة 2019
الطرح 01/12/2019

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.