المرجع الاعلم

رايح يالابيض يوم الاسود
يا محمد وشجرة محمد

يالهادي وادم مدري وشگد
چلمة حبيبي منين تنرد

يا صدر گلبس اليحبك ماله چاره
ينراد لفراگك جسارة

مو دمعة دم مني تجارة
بيك عرفت معنى الخسارة

ابيك شفنا حسين ثاني فززتنا من الثبات
صوت عالي ولحية بيضة صرنا بالكوفة نبات

يل هديت الوادم وشافت صلاته
گبلك الوادم صدرنا شحالها

ماتعرف الدين مليانة حرام
وچفك الدلاها لله وشالها

يا مخلي بالعدوان غصة يالدست هدام بمنصة
كلا گلت چانت تخصه مو كلا چان سيف وتگصه

رغم كل اهل الخيانة مقتدى الواگف اساس
بزمن ما مش صوت يطلع بحيله عالعدوان داس

اتكالبوا عالسيد وطگ الرصاص
مصوب ابچفه وطلع من شادها

موش بالساتر تره بصحن الامير
الانتفاضة الاولى لمن قادها

رايح يالابيض يوم الاسود
يا محمد وشجرة محمد

يالهادي وادم مدري وشگده
چلمة حبيبي منين تنرده

مالت نعي ولطم وبواچي
اوونة وثغيب وگلب شاكي

طاح الكفو عگال الخواچي
راح الابو زين المحاچي